Een moi Tied för jo

  Een moi Gedicht van Klaus Groth

Neejohrkoken is in Ostfreesland Tradition

Min Moderspraak

Min Moderspraak wat klingst du schön,

wat büst du mi vertruut!

Wer ok mien Hart as staal un steen,

du dreevst den Stolt herut.

Du böögst mien stive Nack so licht,

as Moder mit eern Arm,

du fichtelst mi umt Angesicht

un still is alle Larm.

Ik fool mi as en lüttjet Kind,

de ganze Welt is weg,

du puust mi as en Vörjaarswind,

de kranke Boß torecht.

Min Opa folt mi noch de Haan`

Un seegt to mi: nu bee!

Un „ Vaderunser“ fang ik an,

as ik wull fröher dee.

Un fööl so deep: Dat ward verstaan,

so sprickt dat Hart sik ut.

Un Rau vun`n Himmel

Weit mi an,un allns is wedder gut.

Mien Moderspraak,so slicht un recht,

du ole Frame Reed!

Wenn blot en Mund „ mien Vadder“ seegt,

so klingt mi`t as en Beed.

So herrli klingt mi keen Musik

un singt keen Nachtigall.

Mi loopt je gliek in Ogenblick

De hellen Traan`n hendal.

Klaus Groth

Min  leeve Frünn ik wünsch jo allen een fine Wiehnacht un een gooden Rutsch int nee Johr 2016, Elskeline

 

 

keine Kommentare anklicken dann folgendes:

Nu kann man anonym  wat to Elske seegen,  unnern geiht teegen marie -claire ein Botton open, un dor klickt man anonym an, un kann wat in dat feld schrieven.

Ik heeb dat free geven.

Dat Lücht

Elskeline spaart Energie

Elskeline is mennigmool eenfach möi.

Buten is dat so duster un denn mogt se in hör Stuv överall dat Lücht an.

Doch dor kuumt Protest van hör Kerl.

Wat sall dat, sovöl Lücht? De Strom is so dür un wi  willn nix verswennen. Överall sall man Energie spaarn.

Doch Elskeline leest hum vör, dat een Depreschonen anfallt, wenn man in Dustern sitt.

Elskeline lett sük dat nich gefaaln, doch hör Keerl hätt kin Mitleed.

Dann moogt se völ Keersen an un dat is gemütlich, doch dor kummt een Moohnung.

Pass up dat du de Keersen nicht vergeest, wenn Du ut de Stuv ruut geihst, dat hett mennigmool een, dat Hus offackelt.

Verdammich nochmool, Elskeline is dull.

Se hett nu LED-Lüchten kövt, dor kann nix passeern, de staant nu överall int Huus, ober de Batterien bünt gau to een.

Een is dormit to free, hör Kerl, he hät nu nix mehr to meckern, van weegen Energie sporn.

Elskeline wunnert sük, een beeten romantisch is dat ja doch, og mit LED, blot de Batterien…

dat Holt flackert un dat is warm un givt ja ook Lücht!

© Elskeline

Över een Plattdütsken Kommentor wür ik mi frein!!
Dat givt doch seker Plattsnackers?